深夜肚饿预警！「烧肉即食面饭卷」超简易教程get！

以前身边D人就日日话减肥

依家周围嘅人讲得做多嘅

就係戒挨夜

不过两件事就有相似嘅结果

每个人基本上都係得个讲字

玩手机/煲剧/睇波到深夜

肚饿嘅时候打开外卖软件

发觉一个人叫唔够起送价

个一刻真係好绝望！

唯有自己学多几招

Facebook就有位韩国博主

分享咗一个简易版嘅饭团教程

虽然简单不过实物就够晒丰富

「烧肉即食面饭卷」

不如一齐来学下点整啦！

韩国人最中意嘅就係烤五花肉

今日呢个饭团入面同样需要！

首先就要准备平底锅

煎一片厚薄适中嘅五花肉

呢一步最容易失败！

点解？

因为煎好放喺度

唔觉意就会食咗...

然后准备两只鸡蛋

同平时食开嘅紫菜包饭嘅鸡蛋饼唔同

呢度係要煎成太阳蛋

然后摞出屋企库存嘅

任何一种只要你中意嘅即食面

放入热水入面煮

然后捞出来剪碎

将一碗饭倒入面碎上面

同时加入烤肉酱

然后拌匀

之后就可以开始卷了！

铺上一大片紫菜

喺紫菜上铺上白饭同即食面碎嘅混合物

最重要嘅一步

係倒上液体状嘅芝士

无嘅话芝士片或者芝士碎都得

再加埋五花肉同鸡蛋

卷起之后加小小麻油会无咁容易散

再撒芝麻装饰

完成！！！

呢个分量完全做正餐都得

诱惑到啊！！！

即刻落街买宵夜！！！